இது என்ன இலக்கணமோ ??

இது என்ன இலக்கணமோ தெரியவில்லை....!!

நீ சொல்லும் போது மட்டும்....

மறந்துவிடு என்பதற்கும்...

 இறந்துவிடு என்பதற்கும்...

 ஒரு வித்தியாசமும் தெரியவில்லை...!!!

நீ குளித்த தண்ணீரில்...!!

நீ மட்டும்
உம்மென்று.. 
ஒரு வார்த்தை சொல்..!!
வானத்தை கவிழ்த்தி வைக்கிறேன்...!!
மேகத்தில் நீ மெதுவாய் குளித்திடு...!!
மின்னலை 
கொஞ்சம் நிமிர்த்தி வைக்கிறேன்..!!
மெல்ல நீ 
சடையில் பின்னிடு....!!
கொஞ்சம் பொறு...!!
நீ குளித்த தண்ணீரில் 
நிலவை கொஞ்சம் கழுவி வைக்கிறேன்...!!
நீ முகம் பார்க்கும் அளவுக்கு 
அது ஒன்றும் அத்தனை வெளுப்பில்லை...!!!

இப்படிக்கு, நானும் நம் காதலும் தூங்கும் கல்லறை.

அடடா அதற்குள் ஒருவருடம் ஆயிற்றா....
கண்ணீர் ஊற்றி என் கல்லறைத்தூக்கம் கலைத்தவளே நில்...
இன்றாவது நான் சொல்வதை பொறுமையாய், முழுமையாய் கேள்...!! 
தயவு செய்து... 
என் கல்லறையிலாவது, 
ஒரு முற்றுப்புள்ளி இட்டு போ..!!
அய்யகோ...!!! 
உனக்காய் உயிரை விட்டு, 
உன் பிள்ளைக்காய் பெயரையும் விட்டு, 
எதிர்வரும் பிறவியிலும்...
என் நினைவு நாளில் மட்டும்,
உன் நினைவில் வாழ வைத்துவிடாதே....!!


இப்படிக்கு,
நானும் நம் காதலும் தூங்கும் கல்லறை. 

  

இறந்து விட்டேன் அழ யாருமில்லை..!

 

உயிரும் இல்லை - ஆனால்
ஒருத்தரும் அழவுமில்லை இங்கு
என்னைத் தவிர..!
இத்தனைக்கும் நான் இறந்து விட்டேன்
உன்னை பிரிந்த மறு கணமே..!
 
கண்ணீர் கொண்டு நித்தம்
அழிக்க பார்க்கிறேன்.. 
ஆனால்
ஓயாமல் அடம் பிடிக்கிறது
கண்ணீரை உண்டு உயிர் வாழும் 
உந்தன் நினைவுகள்..!


இன்றாவது மணம் கமழச் சொல்லேன்
நீ கடைசியாய் பறித்த மலரிடம்...!!

தண்ணீரில் விழுந்த தாமரை..!!

தண்ணீரில் தவறி விழுந்த

தாமரை இதழாய் நித்தம் தவிக்கிறேன்

ஒட்டி உறவாடவும் இல்லை..

விட்டு விலகவும் இல்லை..

முட்டி மோதுகிறேன்,

உன் நினைவுகளோடு...!!

உண்மையாய் ஒரு உண்மை..!

கண்ணே..

உன்னை காணாத நாட்களில் -
குருடனாகிறேன்..!
கண்ட மாத்திரத்தில் கவிஞன் ஆகிறேன்..!

உன்னை நினைக்காத நாட்களில் -

நித்திரை இழக்கிறேன்..!
நினைத்த மாத்திரத்தில் என்னையே இழக்கிறேன்..!

உன்னுடன் பேசாத நாட்களில் -
ஊமையாகிறேன்..!
மறக்கும் நாளில் மரணத்தை மணந்திருப்பேன்..!