ஒற்றை பனித்துளி..!

உருகிய பின்னும்
இன்னும் உதிராமல்
உனக்காய் காத்திருக்கும்
ஒற்றை பனித்துளி..!

காதலா..!! காமமா..??

காரிருள் அள்ளிச் சூடிய

காலை கதிரவனின் 

கன்னிப் பார்வையில்

கண் மலர்ந்து

தனை மறந்து

உருகி... உயிர்விடும்

பனித்துளி....!

காதலா..!! காமமா..??

நாளை வரை வரமாட்டாய்

தனிமை தேடி நான் தனித்து நிற்கையில்

ஆளே இல்லாத அறை... அங்கேயும் நீ இல்லாத குறை நிறைந்தே  நிற்கிறது..

நீ செல்லமாய் தான் கிள்ளி சென்றாய்... 

எனக்கோ மொத்தமாய் இழந்த இதயம் போல் வலிக்கிறது

நாளை வரை வரமாட்டாய் எனும் போது...

நீ சிறிது பேசும் போது நிறுத்தி நிறுத்தி பேச மாட்டாயா என ஏங்குகிறேன்... களைத்து போய் நிறுத்திவிட்டால் என்ன பண்ணுவது...

நாம் பேசுகையில் புற்களை செல்லமாய் தடவி

நீ சிணுங்கும் போது சிதறும் சிரிப்பில் 

மெல்ல நான் பறக்கிறேன் உண்மையில் உன் சொற்களை மறந்து...