கள்ளியிடம் களவாடச் சென்றேன்...!!

அன்று...

உன் புன்னகை திருடிய

என் இதயத்தைத் தேடி,

உன் கண்ணெதிரே வந்தேன்...

இன்று உன் கண்ணொளியில்,

என்னையே திருடி விட்டாயே  கள்ளி.....!!!

கள்ளியிடமே களவாட வந்தது

என் தவறு தான்...!!

உண்மையாய் ஒரு உண்மை..!

கண்ணே..

உன்னை காணாத நாட்களில் -
குருடனாகிறேன்..!
கண்ட மாத்திரத்தில் கவிஞன் ஆகிறேன்..!

உன்னை நினைக்காத நாட்களில் -

நித்திரை இழக்கிறேன்..!
நினைத்த மாத்திரத்தில் என்னையே இழக்கிறேன்..!

உன்னுடன் பேசாத நாட்களில் -
ஊமையாகிறேன்..!
மறக்கும் நாளில் மரணத்தை மணந்திருப்பேன்..!

உன் பாத சுவட்டில் என் பயணம்..!

என் பாதங்கள் கூட..

இப்போதெல்லாம்

உன் பாதையை தேட ஆரம்பித்து விட்டன!

நீ பார்வையால் பேசி கடந்த பின்னும்,

உன் நகம் கடிக்கிறேன்..

நீ நடந்த பாதையில் !
மெல்ல மெல்ல உன் பாத சுவடுகளும்,
என் பார்வை தாங்கி..

புன்னகை சுமக்க பழகி விட்டன !
அட இதையெல்லாம் விடு...
இப்போதெல்லாம்,

உன் பெயர் கூட..

என்னுடன் பேச தொடங்கி விட்டது
நீ எப்போது....??

முதல் கவிதை ...!!!

அன்று 

பேருந்தில் ஒரு முறை தான்..

உந்தன் கண்ணை தேடினேன்!
அடடா...

இன்று வரை தேடி கொண்டே இருக்கிறேன்..
என்னை 

அங்கேயே தொலைத்து விட்டு..!